Bydd Sioe Flodau Chelsea y Gymdeithas Arddwriaethol Frenhinol (Mai 21-25), sy’n dathlu ei phenblwydd yn gant oed eleni, yn cynnwys Gardd Crefftwr sy’n dwyn y teitl  ‘Brysiwch Wella’ sy’n canolbwyntio ar blanhigion meddyginiaethol.

Cynlluniwyd yr ardd hon gan Maggie Hughes a Kati Crome ar y cyd gyda’r Ardd Fotaneg Genedlaethol a noddwyr sy’n cynnwys Penn Pharma, Partneriaeth Twristiaeth De Cymru a Tyfu’r Dyfodol.

Mae llwybr gerigos ynddi a gynlluniwyd i’w cherdded yn droednoeth – fydd ddim bob amser yn brofiad cyffyrddus – ond bydd yn ysgogi’r gwasgbwyntiau adweithegol!

*  Am y stori gyfan, gwelwch rifyn y gwanwyn o’r Ardd – cylchgrawn swyddogol Gardd Fotaneg Genedlaethol Cymru

Bydd hobïau a chrefftwaith o bob math yng Ngardd Fotaneg Genedlaethol Cymru ar Fai 25-27.   Bydd yno rywbeth i bob aelod o’r teulu – gydag arddangosiadau o dai doliau gan Gymdeithas Tai Doliau Gorllewin Morgannwg, gemwaith hyfryd ac arddangosiadau gan Maggie C Jones, cymdeithas ffotograffyddiaeth Dinefwr, Cymdeithas Brydeinig y Cerfwyr Pren, clytwaith, cwiltio, gwneud les, a mwy.

 Meddai’r trefnydd, Les Bryan: “Mae’n argoeli bod yn ddigwyddiad enfawr ar benwythnos Gŵyl y Banc.   Mae’r Penwythnos Hobïau wedi bod yn llwyddiant digamsyniol dros y blynyddoedd diwethaf, ac mae’r Ardd yn lleoliad delfrydol iddo.  Ry’n ni’n gyffrous iawn, ac yn ffyddiog y bydd ymwelwyr yn codi rhai syniadau ar gyfer hobi newydd.”

Bydd digon i ymddiddori ymwelwyr ar draws yr Ardd, yn Nhŷ Principality ac yn y Tŷ Gwydr Mawr ysblennydd.  I’r rhai sy’n ffoli ar fywyd awyr agored, mae cyfle i weld yr Ardd ar ei godidocaf, ynghyd â chanŵau ar gadwyn hyfryd o lynnoedd yr Ardd.   Bydd tîm Merched Pysgota-â-Phlu Cymru yn yr Ardd am y tro cyntaf hefyd, yn barod i roi cyngor.

Bydd sgyrsiau Cymdeithas Seryddol Abertawe yn cael eu cynnal ar Ddydd Sadwrn, Mai 25.   Bydd Jugglestruck hudol yn diddanu’r plant ar Ddydd Sul a Dydd Llun, a’r Quack Pack rhyfeddol yn diddanu pawb o bob oedran ar Ddydd Llun.   Bydd Fiddlebox yn darparu cerddoriaeth trwy gydol y penwythnos, a Chôr Wirrall yn perfformio am 1yp ar Ddydd Llun.

Cynhelir y Penwythnos Hobïau yng Ngardd Fotaneg Genedlaethol Cymru ar Fai 25, 26, 27, o 10yb i 6yh bob diwrnod.  Am ragor o wybodaeth, ewch i www.gardenofwales.org.uk, galwch 01558 667149, neu e-bostiwch info@gardenofwales.org.uk

Ond pa mor ddefnyddiol ydyn nhw yn y 21ain ganrif? Bydd Gardd Fotaneg Genedlaethol Cymru yn eich helpu chi i benderfynu.

I’ch helpu chi i wneud hyn, ryn ni’n cynnal cyfres o sgyrsiau, cyrsiau, arddangosfeydd a gweithgareddau hwyl a sbri trwy gydol Mai 2013.

Maen nhw i gyd AM DDIM gyda thâl mynediad ac eithrio lle y nodir yn wahanol.

• ‘Diwrnod Gwenwynau’ – dysgwch am y defnydd a wnaed o blanhigion gwenwynig yn hanesyddol, a’r chwedlau a’r hyd sy’n gysylltiedig â nhw
• ‘Diwrnod Cwrdd â’r Apothecarïaid’ – bydd Yr Athro Terry Turner, cynllunydd Neuadd yr Apothecari yn yr Ardd Fotaneg Genedlaethol, wrth law i drafod y casgliad fferyllol Fictoraidd gwych.
• ‘Diwrnod Mêl’ – defnyddiau iachäwr mawr natur, o’r gorffennol, y presennol a’r dyfodol.
• Helfa Drysor Morladron, Pupur a’r Pla – bydd Theatr Close Encounters yn eich helpu i ddysgu sut le oedd yr Ardd yn y 17eg ganrif.
• Cyfrinachau Perlysiau a Thyfu Perlysiau – gydag Andy Cook o blanhigfa Rhoshill.

Ynghyd â rhaglen lawn Cam Allweddol 2 i ysgolion a chyrsiau dysgu gydol oes, fel Perlysiau yn y Perthi a Perlysiau i Ddechreuwyr.

Am fwy o fanylion neu archebu’r daflen Medyginiaethau ym Mai 2013, e-bostiwch info@gardenofwales.org.uk neu galwch 01558 667149

Mae cwmni theatr penigamp ‘Taking Flight’ nôl yng Ngardd Fotaneg Genedlaethol Cymru ar Ddydd Sul, Mai 19 am 2.00yp.

Byddan nhw’n cyflwyno ‘A Midsummer Night’s Dream’ – comedi hyfryd Shakespeare – fydd yn serennu Cara ReadLe o’r rhaglen teledu, Tracy Beaker.

Meddai Elise Davison o ‘Taking Flight’:  “Gan ddefnyddio’r Ardd fel ein hysbrydolaeth, byddwn yn eich harwain ar daith hudol llawn chwerthin, pypedwaith, a cherddoriaeth byw gwreiddiol.”

Bydd y perfformiad yn dechrau am 2.00yp, a does dim tâl ychwanegol i weld y ddrama.  Mae taliadau arferol mynediad i’r Ardd yn gymwys.

Am fwy o wybodaeth am hwn a digwyddiadau eraill yn yr Ardd,  e-bostiwch info@gardenofwales.org.uk , neu galwch 01558 667149.

Bydd unrhyw berson sy’n prynu tocyn i’r Ardd rhwng nawr (Mawrth 22) a diwedd mis Medi yn cael dychwelyd Yn Rhad Ac Am Ddim am saith niwrnod ar ôl yr ymweliad cyntaf – a chynifer o weithiau y byddan nhw eisiau!

Dywedodd Bennaeth Marchnata, David Hardy: “Roeddwn wedi cynnig y tocyn dychwelyd hwn ym mis Awst y llynedd ar ôl derbyn cryn dipyn o adborth gan ymwelwyr am sut na lwyddon nhw i weld yr holl wahanol rannau o’r Ardd yr oedden nhw eisiau ymweld â nhw yn ystod eu hymweliad.”

Dyw’r cynnig ddim ar gael yn unig i ymwelwyr; mae’r ‘tocyn dychwelyd’ ar gael i bawb: “Mae cymaint yn digwydd yma dros y Pasg, y gwanwyn a’r haf, ry’n ni’n siwr y bydd y bobl leol eisiau cymryd mantais o’r cynnig hwn hefyd.”

Mae’r Ardd yn ymestyn bron 600 erw wrth gynnwys Gwarchodfa Natur Genedlaethol Waun Las a chwm coediog hudol Pont Felin Gât, at galon yr atyniad. Mae llawer i’w weld hefyd, gan gynnwys y delweddau rhyfeddol sydd i’w gweld yn arddangosfa’r Gystadleuaeth Ryngwladol Ffotograffwyr Gardd sydd i’w gweld yn yr Oriel a’r Bwyty, ac hefyd yr arddangosfa wych ar ffwng ‘O Deyrnas Arall’ yn y Tŷ Gwydr Mawr.

Ar gyfer yr haf, mae yna raglen lawn o weithgareddau hwyliog i’r teulu gan gynnwys theatr awyr agored, penwythnosau crefft a bwyd, hebogyddiaeth a mir-gathod.

Yn sicr, mae’n synnwyr cyffredin rhoi digon o amser ichi eich hunan i fwynhau’r Ardd a’i holl atyniadau yn eu cyfanrwydd.

Bydd y cynllun ‘Tocyn Dychwelyd’ yn gymwys i bob tocyn mynediad pris llawn sy’n cael ei brynu rhwng Mawrth 20fed a Medi 30fed, 2013.

I gael rhagor o wybodaeth, ffoniwch 01558 667149, e-bostiwch info@gardenofwales.org.uk, neu ewch i www.gardenofwales.org.uk

Cynhelir yr Ŵyl yng Ngardd Fotaneg Genedlaethol Cymru, ac mae’n cynnwys cig eidion, cig oen, a phorc gorau Cymru, Bryn Williams, chwisgi Penderyn, Stephen Terry, pice ar y ma’n, Dudley Newbery, y caws mwyaf blasus, Hybu Cig Cymru, Bwydydd Traddodiadol Patchwork, Castell Howell, Angela Gray a mwy.

Bydd digon o gynnyrch Cymreig o’r ansawdd gorau ar gael i’w profi a’u prynu, rhaglen lawn benwythnos o arddangosiadau gan gogyddion a sgyrsiau arbenigol, cyfle i chwilota am fwyd yn yr Ardd, gweithgareddau teuluol a sesiynau coginio i bobl ifanc yn y Parth Pwmpen i blant, ynghyd â cherddoriaeth, hud a lledrith a modelu balŵn.

Ychwanegodd Mr Jones:  “Mae digwyddiadau fel hyn yn ffordd ddelfrydol i ddangos eu cynnyrch – dyma hadau busnesau bwyd ffyniannus ein dyfodol, fydd yn sicrhau dyfodol disglair i’n rhanbarth a’r bobl sy’n byw yma.”

Mae ‘Tyfu eich Hun’ yn thema allweddol ar gyfer y penwythnos gyda’r prosiect sy’n seiliedig yn yr Ardd – ‘Tyfu’r Dyfodol’ (TD).   Bydd Tyfu’r Dyfodol yn cynnig nifer o sesiynau blasu yn ystod y penwythnos, o gadw ieir a gwenyn, rhoi cynnig ar blannu, ynghyd â digon o weithgareddau’n ymwneud â thyfu i blant.

Meddai Andrea Powell, rheolwraig prosiect TD:  “Mae’n hen bryd mynd ati i dyfu eich hun, a chael y pleser o fwyta eich llysiau a’ch ffrwythau eich hun yn syth o’ch gardd chi.  Mae TD yma i’ch helpu chi i ‘Fynd ati i Dyfu’!”

Mae Gŵyl Fwyd Gorllewin Cymru yn rhedeg o 10yb i 6yh ar Ddydd Sadwrn a Dydd Sul, Mai 11-12.  Os oes diddordeb gennych mewn mynychu Cinio’r Ŵyl  ar y Dydd Sul, sy’n dechrau â derbyniad siampaen a chanapes yn y Tŷ Gwydr Mawr am 6.30yh ac a ddilynir gan y cinio tri chwrs, gyda phob cwrs wedi ei goginio gan un o fawrion byd coginio Cymru – galwch 01558 667149.

Noddir Gŵyl Fwyd Gorllewin Cymru gan Gastell Howell a Thyfu’r Dyfodol.

Er mwyn llogi sesiwn blasu neu gael mwy o wybodaeth am Dyfu’r Dyfodol, ewch i http://www.growingthefuture.co.uk/

Bydd nifer o gogyddion enwog iawn yn paratoi cinio gŵyl tri chwrs arbennig ar Ddydd Sul y digwyddiad, sy’n cael ei chynnal yng Ngardd Fotaneg Genedlaethol Cymru ar Ddydd Sadwrn a Dydd Sul, Mai 11-12.

Mae’r noson yn dechrau gyda derbyniad o groeso yn y Tŷ Gwydr Mawr o 6.30yh (gyda diod a chanapes cyfarch, wedi’u paratoi gan brif gogydd yr Ardd, Richard Culleton).  Gweinir y cinio ei hun am 8yh, gyda phob cwrs unigol wedi’i baratoi gan gogydd gwahanol.

Bydd y cogydd, Shaun Hill, sy’n enwog trwy Brydain fel cogydd y Walnut Tree, Y Fenni, yn paratoi y cwrs cyntaf; a pherchennog-gogydd disglair yr Hardwick, Stephen Terry, yn paratoi’r prif gwrs; a bydd cogyddion arobryn bwyty’r Polyn gerllaw yn creu’r melysfwyd.

Esboniodd trefnydd digwyddiadau’r Ardd: “ Mae cinio’r Ŵyl yn brofiad coginiol unigryw.  Ni fydd y cogyddion hyn yn gweithio gyda’i gilydd unrhyw le arall yn y byd, na’r fwydlen hon i’w gweld yn un man arall.”

Ychwanegodd:  “Mae Gorllewin Cymru yn ranbarth sy’n cynhyrchu rhai o’r cynhwysion gorau y gellir eu cael, ac mae meddwl eu bod nhw yn nwylo’r cogyddion gwych hyn yn tynnu dŵr o ddannedd … ry’n ni’n sicr o gael gwledd arbennig.”

Mae’r ŵyl ddau ddiwrnod hon yn addo toreth o gynnyrch lleol, hwyl i’r teulu, adloniant, cerdd, hud a lledrith, anerchiadau ac arddangosiadau gan fwy o gogyddion dawnus.

Cynhelir Gŵyl Fwyd Gorllewin Cymru yng Ngardd Fotaneg Genedlaethol Cymru ar Ddydd Sadwrn a Dydd Sul, Mai 11-12, o 10yb i 6yp ar y ddau ddiwrnod.

Am fwy o wybodaeth, neu archebu tocynnau i Ginio’r Ŵyl, galwch yr Ardd ar 01558 667149.

Mae’r cwrs ‘Tynnu Lluniau Gwell o Blanhigion a Gerddi’ yn cael ei arwain gan sylfaenydd a chyfarwyddwr yr Arddangosfa, Philip Smith, ac mae’n cael ei chynnal yn Oriel yr Ardd ar Ddydd Sadwrn, Ebrill 27, rhwng 10yb a 4yp.

Amcan y diwrnod yw darparu cyngor ymarferol a datgelu triciau er mwyn fod o gymorth ichi wella eich lluniau – ond hefyd rhoi cyfle ichi ofyn cwestiynau ac archwilio eich dull o dynnu lluniau o erddi, meddai Philip.  Rhai o’r pynciau y’u trafodir fydd lensys craff, dyfnder maes, cyfansoddiad, prosesu digidol, a dysgu am olau a lliw.

Cost y cwrs fydd £36 gan gynnwys TAW (£30 gan gynnwys TAW i aelodau’r Ardd).   Bydd llyfrau Philip ar werth yn y cwrs (arian parod yn unig) am £10 a £15.   Cyfarfod yn yr Oriel am 10yb.

Ychwanegodd Philip:  “Cofiwch, mae’r diwrnod yn ymwneud yn fwy ag archwilio a darganfod nag yw e ar dynnu lluniau ardderchog.”

Dowch â’ch camera – gyda batri llawn os gwelwch yn dda – a charden storio (unrhyw ddiwyg).  Os oes gennych DSLR neu gamera system gywasgedig gyda lensys cyfnewidiol, fe gewch chi fwy o’r diwrnod na chewch chi os defnyddiwch chi gamera syml gywasgedig.

Ar gyfer llogi lle, galwch weinyddiaeth yr Ardd ar 01558 667149 neu e-bostiwch info@gardenofwales.org.uk

*Mae mwy o weithdai tynnu lluniau ar Ddydd Sadwrn Mehefin 8, Dydd Sadwrn Gorffennaf 20 a Dydd Sadwrn Medi 7.

*Mae’r Arddangosfa Ryngwladol o Dynnu Lluniau Gardd y Flwyddyn yn parhau yng Ngardd Fotaneg Genedlaethol Cymru hyd at Fedi 15.

Bydd hebogau Harris, boncathod a thylluan fawr yn esgyn i’r awyr fel rhan o ddwy sioe dyddiol, un am 12 y prynhawn a’r llall am 2pm, a bydd yna gyfle i ymwelwyr roi cynnig ar hebogyddiaeth.