Newyddion

Teithio yn ôl mewn amser i’r Ardd Fotaneg

Bydd ffair hen bethau yn cael ei chynnal ar Ionawr 14-15 yn y  Tŷ Gwydr Mawr tra bod y mis ‘mynediad AM DDIM’ yn parhau yng Ngardd Fotaneg Genedlaethol Cymru.

Trefnir y digwyddiad gan Ffeiriau Derwen ac mae’n addo dau ddiwrnod o stondinau o ansawdd uchel gan gynnwys llestri tsieina, gemwaith a chelfi.

Dywedodd Brita Rogers o Ffeiriau Derwen:  “Bydd y ffair yn cynnwys cydbwysedd o gelfi yn amrywio o gasgliad trawiadol o gelfi derw cynnar, darnau mahogani ac amrywiaeth o binwydd wlad.  Yn ogystal, bydd arddangosfa o glociau cyfnod Ffrengig, ynghyd â chlociau mwy traddodiadol  mewn casau hir”.

Dywedodd Brita y byddai pwyslais mawr ar ansawdd – o tsieinia hynafol i’r 60au retro a ffermdai  gwlad.

Bydd David Jones yn arddangos ei gasgliad helaeth o waith sbwng o ansawdd da, nwyddau Pratt cynnar a phorslen tsieinaidd prin.

“Mae gan David gasgliad helaeth o grochenwaith bach gan gynnwys platiau a mygiau prin i blant sy’n dyddio’n ôl i’r 18fed ganrif.  Dyma stondin ni ddylid ei golli!” Dywedodd Brita.

Bydd cynrychiolaeth gryf o grochenwaith Gymreig – o Abertawe, Morgannwg Llanelli a’r Ewenni yn fwyfwy poblogaidd – a bydd Richard Bebb yn arddangos ei luniau o Gymru, gan gynnwys Kyffin Williams.

Bydd tecstilau Cymru hefyd yn cael eu cynnwys gydag ystod eang o flancedi tapestri Cymreig a blancedi gwlân o Gymru (charthen).

 

Ychwanegodd Brita:  “Mae’r amrywiaeth o stondinau yn helaeth, o arddangosfeydd sy’n cynnwys Deco Clarice Cliff, Moorcroft, Lalique gwydr, i stondinau arddangos lliain Fictoraidd hyfryd, dillad vintage, ffaniau a gemwaith gwisgoedd, yn ogystal ag arddangosfa ddeniadol o ddyluniadau mewnol hiraethus.  Bydd yna hefyd riliau pysgota, gemwaith, oriorau a deunydd milwrol.

Bydd drysau’r ffair yn agor am 10am ac yn cau am 4.30pm; mynediad AM DDIM i’r Ardd a’r ffair.  I gael rhagor o wybodaeth am ddigwyddiadau, ewch at www.gardenofwales.org.uk neu ffoniwch 01558 667149.

Am fwy o wybodaeth am y ffair, cysylltwch â Brita Rogers ar 01267 2202601, 07790 293367 (rhif symudol) neu ewch at wefan:  www.derwenantiques.co.uk