Newyddion

Prosiect Arbennig yn rhoi tirnodau ar y map

Cartref Brenhinol, palas esgob, goleudy, maes awyr a chastell neu ddau; mae’r rhain i gyd wedi bod yn ffocws prosiect ffotograffiaeth tirnodau gan 150 o ddisgyblion o unedau cynnal dysgu rhwng Aberdaugleddau ac Abertawe.

Mae penllanw’r prosiect ‘Dysgu drwy’r Tirwedd’  yn arddangosfa wych o ddelweddau yng Ngardd Fotaneg Genedlaethol Cymru, a fydd yn cael ei agor gan Uchel Siryff Dyfed, sef Thomas Lloyd OBE DL am 10.45am ddydd Gwener, 23 Medi.

Derbyniodd y prosiect ‘Dysgu drwy’r Tirwedd’ nawdd gan Gyngor Cefn Gwlad Cymru a Chronfa’r Loteri Fawr. Bu 150 o ddisgyblion o 10 ysgol yn Sir Gaerfyrddin, Sir Benfro ac Abertawe’n cymryd rhan.  Cafodd y plant i gyd gamera digidol a hyfforddiant ar sut i’w defnyddio. Yna, rhoddwyd y dasg iddynt o ymweld ag amrywiol leoliadau ger eu hysgolion er mwyn tynnu lluniau.

Dywedodd rheolwr y prosiect, Cheryl Kitt: “Roedd gan bob un o’r 10 ysgol a oedd yn cymryd rhan 15 o ddisgyblion o’r unedau cynnal dysgu yn cymryd rhan yn y prosiect, a chawsant gymorth gan 100 o fentoriaid o ddosbarthiadau eraill yn yr ysgolion, i olygu ac argraffu mewn sesiynnau dosbarth.

“Y bwriad oedd ymestyn cynhwysiant cymdeithasol a chymunedol, tra’n meithrin hunan barch a hyder ymysg y disgyblion a oedd yn cymryd rhan yn y cynllun … ”

Roedd yr ysgolion a oedd yn cymryd rhan yn cynnwys y canlynol: Ysgol Uwchradd ac Ysgol Iau Aberdaugleddau, Ysgol Uwchradd Coedcae ac Ysgol Gynradd Gymunedol Maes Y Morfa, Llanelli; Ysgol Arbennig Penbryn ac Ysgol Uwchradd Penyrheol, Abertawe; Ysgol Uwchradd Y  Frenhines Elizabeth ac Ysgol Gynradd Treioan, Caerfryddin; Ysgol Uwchradd Pantycelyn ac Ysgol Gynradd Rhys Pritchard, Llanymddyfri.

 * Bydd yr Arddangosfa yn yr Ardd yn agor am 10.45am ddydd Gwener, 23 Medi, ac yn parhau ar y dydd Sadwrn a dydd Sul.

* Mae Gardd Fotaneg Genedlaethol Cymru ar agor yn ddyddiol rhwng 10am-6pm.

* I gael rhagor o wybodaeth, cysylltwch  â Cheryl drwy ffonio 01554 772857, neu drwy e-bostio:  cheryl.kitt@chrt.org.uk neu drwy ymweld â  www.bigpicturewales.blogspot.com.